إفَـﯖدوهْ الرْسامْ
الشيخ الحاج محمد حدّا
الصورة من إنجاز: عبد الواحد حدا
بَعْد نْـﯖول
نْسَيْتو إفَـﯖدوهْ الرْسامْ، وَيْن لِّي كان جْواري
وَيْن لّي كان جْوارْ، مابْـﯖـا لو خْبارْ، خَلّا مَنْ غَيْرْ الدّارْ، و الرْفوفْ خالْيِينْ
ﯕـفّى[1] نَجْعْ[2] أُمْ إيزارْ[3]،عيدْ لي كيفْ صارْ، فيهُمْ ضَيْ الْغَرّارْ[4]، تَسْلَبْ الْوالْعينْ[5]
أولّا دامي لَوْكار[6]، سارَحْ[7] بْلا غْيارْ،صابْ رْبيعْ و نُوّارْ، عايْدْ الْعامْ زَيْنْ
مادى تَبْعوهْ بْصـــــــــــــــــــــــــــــــاري،
مْنَيْنْ الدَّرَّݣ عَنِّي و دار بيهْ الظْلامْ ما رَدّو بَكْيْ جْفاري، و لا رَقّاصْ[8] لْـﯖيتو ليهْ إيدِّي سْلامْ.
بَعْد نْـﯖول
نْسَيْتو إفَـﯖدوهْ الرْسامْ، وَيْن لِّي كان جْواري
لْحَـﯖتْ الرَّسْمْ[9] عْشِيّة،
مْعاهْدو بالْيَة، و يا طامع ف الدنيا إينَدْموك السْنينْ
وَيْنْ حْلَلْ[10] مَزْدِيَّة،
خْيامْها بانْيَة، يا مَدى مَنْ حَيّة[11]،
نْزاهة الْكاسبينْ
وين رْجالْ قْوِيّة،
ف وَقْتْها ساوْيَة، و سْناحْ[12] و كُمِّيَّة،
عَ الْكْتَفْ هاوْيينْ
وَيْنْ كْهولَة
و دْراري،
مادى فاتْ ﯕـبَلْنا و جا فْ يَمْ لَكْلامْ[13] نَحْكي
لْلنّاسْ خْباري، و لَخْبارْ لِّي ماضي إيعاودوه لَقْدامْ.
بَعْد نْـﯖول
نْسَيْتو إفَـﯖدوهْ الرْسامْ، وَيْن لِّي كان جْواري
مْنَيْن تْـﯖومْ
الرْحايلْ، إيشَنْـﯖو مَنْ غْفَلْ، و الْبَوّاهْ[14]
إيسَوَّلْ عْلى بْلادْ الرْبيعْ
مَنْ لَفْجارْ
تْعَوّلْ، عْلى لوطى و الجْبَلْ، و الْكَسّابْ إيحاولْ كْسيبتو لا تْضيعْ
إيلا مَجْدوبْ
السّاحْلْ[15]، إيـﯖـيس[16] بِها
التَّلْ، و في حالو ما يَوْحَلْ نْبيعتو ما يريع[17]
ﯕـال تْفَكّرْتْ
أوكــــــــــــــــــــــــاري،
تابَعْ غَرْضْ
الْحَيّة و ما زْهى لو مْنامْ، ايتْجَوَّلْ بَيْنْ الصْحاري و ما يَسْكَنْ فْ الدَّشرَة
و لا يْرومْ الزْحامْ.
بَعْد نْـﯖول
نْسَيْتو إفَـﯖدوهْ الرْسامْ، وَيْن لِّي كان جْواري
مْنَيْنْ إيعودو
لامَة، و ناسْ مَتْفاهْمَة، و غي خَيْمة في خَيْمة مْـﯖـادّين لَعْريشْ[18]
إيلا جا شيخْ
الْقيمَة، تْجيهْ مَتْلايْمَة، و فَمْ تْباتْ الرّسْمَة إلى طْلوعْ لَغْبَيْشْ[19]
زْغاريتْ الْمَعْلومَة،
مْكَرْدَة زاعْمَة، و ما تَخْفاها رَدْمَة مْعَ كْلامْ الَحْريشْ[20]
نَحْكي ليك لِّي
طـــــــــــــــــــــــــاري،
وعراس على
المنيا[21]،
إتيهوك الريام[22]
باتو فاللعب[23]
نصاري، او فازو يوم الملعب خاطات لوشام.[24]
بَعْد نْـﯖول نْسَيْتو إفَـﯖدوهْ الرْسامْ، وَيْن لِّي كان جْواري
يَوْمْ عْـﯖبْت لَرْسامْ فَمْ
عَقْلي نْضامْ، راهْ عَيْني ما تُلامْ، هاوْيَة بَالدْموعْ
كَمْ إيخَزْنو لَيّامْ، يا ظْريفْة
اللْثامْ، لَعْقَلْ بيهْ التّخْمامْ، جا عْلى كُلْ نَوْعْ
مازْيَنْ حَدّا[25]
بَحْزامْ، يَومْ عَوّلْ و ﯕـامْ، ديما بويا خَدّامْ، خَيْمْتو ما تْجوعْ
نَقْرا فْ الدَّهْرْ صْواري
ديما يَحْرَثْ فَلّاحْ، شوفْ حالْ
الدْوامْ، يَسْـﯖـي في لَرْضْ خْضاري، و الدّلْو إلا فَرَّغْ تْـﯖـول فَرْﯕــ
لَحْمامْ.
تعليقات
إرسال تعليق